TÖFRABRAGÐANÁMSKEIÐ 15.-19. JÚNÍ 2020

Undanfarin ár hef ég haldið skemmtilegt töfrabragðanámskeið fyrir 8-14 ára sem hafa tekist mjög vel og verið fjölsótt.

Á námskeiðinu verða kennd auðveld og erfið töfrabrögð, stór og lítil, farið í leiki og við skemmtum okkur. Námskeiðinu lýkur svo með sýningu fyrir foreldra og aðra gesti, þar sem árangur vikunnar verður sýndur.

Í sumar verðum við eins og í fyrra með aðstöðu í Breiðagerðisskóla, Breiðagerði 20, 108 Reykjavík.

Töfrabragðanámskeið, 15. – 19. júní frá kl. 9-14.  verð 14.900 kr.

Námskeið í töfrabrögðum og sviðsframkomu fyrir 8 – 14 ára, fyrir byrjendur sem lengra komna.

Umsjónarmenn:
Jón Víðis Jakobsson, töframaður hefur verið töframaður í yfir 20 ár, haldið námskeið í töfrabrögðum og gefið út Töfrabragðabók. Hann hefur unnið með börnum í fjölmörg ár bæði hjá ÍTR og CISV, haldið leikjanámskeið og töfrabragðanámskeið á vegum ÍTR, Námsflokka Hafnarfjarðar og fleiri.

Linda Ósk Valdimarsdóttir, er útskrifuð af listnámsbraut Borgarholtsskóla, hún hefur starfað með börnum, komið fram í leikritum og tekið þátt í töfrabragðanámskeiðinu.

Alex Leó Kristinsson, töframaður og sjónvarpsstjarna. Alex er á leiklistarbraut í FG, hann hefur farið á mörg töfrabragðanámskeið, verið kynnir í sjónvarpi, leikið í sjónvarpsþáttum og verið með töfrasýningar

 

Undanfarin ár hafa töfrabragðanámskeiðin verið mjög vinsæl, hér eru nokkrar tilvitnanir frá foreldrum:

„Þetta er alveg frábært námskeið, sýningin hjá krökkunum í lokin var alveg brilliant!“

„Má ég vera með næst?“

„Hún á eftir að lifa lengi á þessu, hún hefur ekki talað um annað alla vikuna.“

Sendu okkur skilaboð til að skrá þáttakanda á námskeiðið!

Skráðu þig á námskeiðið áður en það fyllist!

Við svörum með nánari upplýsingum.

Hafðu samband í síma, sendu tölvupóst eða skilaboð.

Hér er Facebookviðburðurinn: Töfrabragðanámskeið 15.-19. júní 2020